سعودی خلا نورد علی القرنی اور ریانہ برناوی کامیاب خلائی مشن کی تکمیل کے بعد امریکا سے ریاض پہنچ گئے۔ غیرملکی خبررساں ادارے کے مطابق سعودی خلا نورد ریانہ برناوی اور علی القرنی، مریم فردوس اور علی الغامدی السعودیہ کے کنگ خالد انٹرنیشنل ایئرپورٹ پہنچنے پر سعودی خلائی ایجنسی کے عہدیدار اور ریاستی شخصیات استقبال کے لیے موجود تھیں۔ السعودیہ کے پائلٹ نے خیر مقدم کرتے ہوئے کہا کہ آپ نے سعودی عوام کو خوشیاں دیں اور اب ہم وطن عزیز واپسی کے سفر میں آپ کی رفاقت پر خوشی محسوس کر رہے ہیں۔ خلا نوردوں نے طیارے کے کیبن کا دورہ کیا اور عملے کے ساتھ یادگاری تصاویر بنوائیں۔برناوی اور القرنی 31 مئی کو بین الاقوامی خلائی سٹیشن سے زمین پر واپس آئے تھے۔ بین الاقوامی خلائی سٹیشن پر آٹھ روز تک 14 اہم سائنسی تجربات کیے تھے۔واضح رہے کہ 1985 میں سعودی فضائیہ کے پائلٹ شہزادہ سلطان بن سلمان بن عبدالعزیز نے امریکا کے زیر اہتمام خلائی سفر میں حصہ لیا تھا جو خلا میں جانے والے پہلے سعودی بن گئے تھے.