حاجیوں نے رمی کی سر منڈ واکراحرام کھول دئیے

مدینہ منورہ / دبئی/ لندن/ کراچی (آئی این پی) سعودی عرب ‘لبنان اور خلیجی ممالک میں گزشتہ روز عیدالاضحیٰ مذہبی عقیدت و احترام سے منائی گئی۔ مسجد نبوی ؐمیں نماز عید کا روح پرور اجتماع ہوا۔ لاکھوں کی تعداد میں فرزندان اسلام نے مسجد نبویؐ میں عیدالاضحی کی نماز ادا کی۔ مکہ مکرمہ میں حجاج کرام نے منیٰ میں رمی کی ‘ سنت ابراہیمی کی ادائیگی کی، سر منڈوائے اور احرام کھول دیئے۔ ایران اور عراق‘ امریکہ‘ یورپ‘ کینیڈا میں بھی  عید الاضحیٰ  روایتی جوش و خروش کے ساتھ  منائی گئی۔ دوسری جانب عمان میں عید الاضحی آج منائی جا رہی ہے۔ بیروت میں شہریوں نے نماز عید کے بعد اسرائیلی سفارتخانے کے قریب غزہ کی حمایت میں احتجاج کیا۔ بیروت میں نماز عید کے بعد نوجوانوں نے فلسطینیوں کیلئے امداد جمع کی۔