ملک بھر میں گرمی کی شدید  لہر، لاہور میں  43 ڈگری میں 47 ڈگری جیسی گرمی

لاہور (نوائے وقت رپورٹ) پاکستان کے بیشتر میدانی علاقوں میں شدید گرمی کی لہر جاری ہے، لاہور میں 43 ڈگری میں 47 ڈگری جیسی گرمی محسوس کی جارہی ہے۔ سبی میں محسوس کیا جانے والا درجہ حرارت 49 ڈگری تک پہنچ گیا ہے جبکہ فیصل آباد اور اسلام آباد میں 44، پشاور اور ملتان میں 43 ڈگری جیسی شدت کا احساس ہو رہا ہے۔ کراچی میں آج شدید گرمی پڑنے کا امکان، شدت 42 ڈگری تک محسوس کی جائیگی۔کراچی میں محسوس کیا جانے والا درجہ حرارت 38 ڈگری ہوگیا ، شہر قائد میں آج 42 ڈگری جتنی شدت کی گرمی محسوس کی جا سکتی ہے۔ آج شام یا رات گلگت بلتستان، بالائی خیبر پی کے اور کشمیر میں چند مقامات پر تیز ہواؤں اورگرج چمک کے ساتھ بارش کا امکان ظاہر کیا گیا ہے۔