رضائے الٰہی کیلئے قربانی سے رزق میں فراوانی آتی ہے:ڈاکٹر شوکت بابر ورک  

 لاہور (نیوز رپوٹر) ڈاکٹر اے کیو خان ہسپتال ٹرسٹ کے بانی ٹرسٹی و جنرل سیکرٹری ڈاکٹر شوکت بابر ورک نے کہا ہے کہ رضائے الٰہی کیلئے قربانی سے رزق میں فراوانی آتی ہے۔ عیدالاضحی کے سلسلہ میں صحتمند جانور قربان کرنے کاکوئی متبادل نہیں،جوصاحب نصاب ہیں وہ اس فرض کی ادائیگی میں کسی قسم کی کوتاہی نہ برتیں۔اسلام کی ہر فرض عبادت مسلمانوں کیلئے بیش قیمت سعادت اوراس میں راحت کارازپنہاں ہے۔حضرت ابراہیم ؑ نے احکامات الٰہی کی بجاآوری جبکہ ان کے فرزندحضرت اسماعیل ؑ نے اطاعت کرنے میں ہرعہد کے انسانوں کیلئے جو مشعل روشن کی تھی اسے دنیا کی کوئی طاقت نہیں بجھاسکتی۔قربانی کاگوشت تقسیم کرتے ہوئے مفلسین اور مستحقین کوہرگزفراموش نہ کیا جائے۔