قصور (نمائندہ نوائے وقت) ٹریفک حادثات میں خاتون سمیت 2 افراد جاں بحق ہو گئے۔اسلم اپنی بیوی ایک بیٹی اور دوبھانجوں کے ساتھ موٹر سائیکل پر جا رہا تھا۔ موٹر سائیکل سوار میاں بیوی اور بچے بانسوں والے ٹرک کے ساتھ ٹکرا گئے۔ خاتون موقع پر جاںبحق جبکہ بچے اور اسلم زخمی ہو گیا ۔علاوہ ازیں 65/60 سالہ رمضان دودھ دیکر واپس اپنے گاؤں چک 37 کو سائیکل پر جارہا تھا کہ نعمت چوک بائی پاس کراس کرتے کار نے ہٹ کر دیا جس سے وہ شدید زخمی ہوگیا،زخمی کو ٹی ایچ کیو ہسپتال منتقل کیا گیا مگر وہ زخموں کی تاب نہ لاتے ہوئے دم توڑ گیا۔