سوئی گیس کے زیراہتمام سکواش چیمپئن شپ آج شروع ہو گی

لاہور(نمائندہ سپورٹس)پہلی سوئی ناردرن گیس پائپ لائنز لمیٹڈ کے زیر اہتما م پہلی سینئر اور جونئیر قومی سکواش چیمپئن شپ آج سے شروع ہو گی ۔ پنجاب سکواش کمپلیکس میں ہوگا ۔ 21 مارچ تک جاری رہنے والی چیمپئن شپ کے افتتاحی تقریب کے مہما ن خصوصی ایم -ڈی سوئی ناردرن عارف حمید ہونگے۔ چیمپئن شپ کے شیڈول مقابلوں میں میزبان سوئی ناردرن سمیت پاکستان ائر فورس ، آرمی ، نیوی، واپڈا، زرعی ترقیاتی بینک ، بلوچستان، پنجاب، سندھ ، خیبر پختونخواہ اور ہائر ایجوکیشن کمیشن کے مرد اور خواتین کھلاڑی سنگل / ڈبل مقابلوں میں حصہ لیں گے۔ سوئی ناردرن سکواش ٹیم کے مینجر فرخ امین کے مطابق مقابلوں میں میزبان سوئی ناردرن ٹیم کے مرد کھلاڑیوں میں عاصم خان ، محمدفرحان، اسرار احمد، جبکہ خواتین کھلاڑیوں میں سعدیہ گل ، مدینہ ظفر اور ثمر انجم حصہ لے رہی ہیں۔ مقابلوں کے انعقاد کیلئے سوئی ناردرن سپورٹس سیل نے پنجاب سکواش کمپلیکس میں تیاریاں مکمل کرلی ہیں۔