پنجاب اور اسلام آباد سے منتخب ہونیوالے 14 آزاد سینیٹروں کی مسلم لیگ ن میں شمولیت

اسلام آباد (خصوصی نمائندہ) پنجاب اور اسلام آباد سے منتخب ہونے والے14 آزاد سینیٹرز نے مسلم لیگ ن میں شمولیت اختیار کرلی۔ ن لیگی ذرائع کا کہنا ہے آصف کرمانی، رانا مقبول ،رانا محمود الحسن ،ہارون اختر ،ڈاکٹر اسد اشرف ، سعدیہ عباسی، اسحاق ڈار، شاہین خالد بٹ اور نزہت صادق نے بھی مسلم لیگ ن جوائن کرلی۔ مصدق ملک ، حافظ عبدالکریم اور کامران مائیکل اسلام آباد سے نومنتخب سینیٹرز مشاہد حسین سید اور اسد جونیجو بھی مسلم لیگ ن میں شامل ہوگئے۔ تمام سینیٹرز نے حلف اٹھانے سے قبل ن لیگ میں شمولیت کے لیے فارمز پر دستخط کردیئے تھے، تمام سینیٹرز کی طرف سے الیکشن کمشن اور سینٹ سیکرٹریٹ کو آگاہ کردیا گیا ہے۔
آزاد سینیٹرز