سابق وزیراعظم نواز شریف پر جوتا پھینکنے والے تینوں ملزموں کی درخواست ضمانت پر سماعت آج تک ملتوی

لاہور (وقائع نگار خصوصی) کینٹ کچہری کی عدالت نے نواز شریف پر جوتا پھینکنے والے تینوں ملزموں کی درخواست ضمانت پر سماعت آج تک ملتوی کر دی۔جوڈیشل مجسٹریٹ طلعت محمود نے سماعت کی۔ عدالت نے ریکارڈ پیش نہ کرنے پر ایس ایچ او تھانہ قلعہ گجر سنگھ کو شوکاز نوٹس جاری کر دیا اور ایس ایچ او کو آج ہر حال میں ریکارڈ پیش کرنے کی ہدایت کر دی۔