لاہور+کامونکے (نامہ نگاران) لاہور میں ڈاکوئوں اور چوروں نے شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ کامونکے میں ڈکیتی مزاحمت پر 4بچوں کا باپ فائرنگ سے شدید زخمی ہوگیا۔ڈاکوؤں نے سندر کے رہائشی طارق کے گھر گھس کر اہلخانہ کوگن پوائنٹ پر یرغمال بنا کر 8 لاکھ 50 ہزار، جوہرٹائون میں احمد کے گھر سے 5 لاکھ 50 ہزار، سبزہ زار میں ناصرکے گھر سے 4 لاکھ نقدی، طلائی زیورات، موبائل فون اور دیگر سامان، نواب ٹاؤن میں قدیر اوراس کی فیملی سے 5 لاکھ، شفیق آباد میں ریحان اور اس کی فیملی سے 4 لاکھ 50 ہزار، کوٹ لکھپت میں مرید اور اس کی فیملی سے 4 لاکھ، اچھرہ میں سلیم اور اس کی فیملی سے ڈیڑھ لاکھ، مانگا منڈی کے میں عابد اور اس کی فیملی سے 2 لاکھ کی نقدی، طلائی زیورات اورموبائل فون،گرین ٹائون میں عمران سے 65 ہزار اور موبائل فون، شمالی چھائونی میں زاہدعلی سے 18 ہزار اور موبائل فون لوٹ لیا۔ چوروں نے اقبال ٹائون میں عمر خان، ڈیفنس اے شاہد اقبال کی کاریں جبکہ ملت پارک علی اشرف، نولکھا سے علی، گوالمنڈی سے نور، لٹن روڈ سے وجدان، جنوبی چھائونی سے فضل الٰہی، ہربنس پورہ سے سفیان شاہ، ستوکتلہ سے مصور بٹ کی موٹرسائیکلیں چوری کر لیں۔علاوہ ازیںکامونکے سے نامہ نگار کے مطابق ڈکیتی مزاحمت پر چار بچوں کے باپ کو فائرنگ کرکے شدید زخمی کردیا۔بتایا گیا ہے کہ لیڈی پارک روڈ پر نوازولد یوسف چاربچوں کے باپ کو تین نامعلوم افراد نے جھگی میں آکر لوٹنے اور بعدازاں اسکی بیوی کے ساتھ چھیڑخانی کی تو مزاحمت پر ڈاکوئوں نے اسے فائرنگ کرکے شدید زخمی کردیا۔صدر پولیس مصروف تفتیش ہے۔