رعایتی نمبر نہ دینے پر میڈیکل طلبہ کا یونیورسٹی آف ہیلتھ سائنسز کے سامنے مظاہرہ

لاہور(نیوزرپورٹر)میڈیکل کالجز کے طلبا ء و طالبات کا یونیورسٹی آف ہیلتھ سائنسز کے سامنے احتجاجی مظاہرے نے سڑک بلاک کر دی۔ صوبائی دارالحکومت میں گزشتہ روز میڈیکل کالجز کے طلبا ء و طالبات نے یو ایچ ایس کے خلاف رعایتی نمبر نہ دینے پر احتجاج کیا ۔مظاہرین کا کہنا تھا کہ 428طلبا وطالبات کو چند نمبر کم ہونے پراگلی کلاسوں میں پروموٹ نہیں کیا گیا جبکہ اس سے قبل کم نمبر حاصل کرنے والوں کوا ضافہ نمبرز دیے جاتے تھے۔ طلبا ء وطالبات نے اپنے مطالبات کے حق میں شدید نعرے بازی کے ساتھ ساتھ مین روڈ بلاک کر دی۔ ٹریفک جام ہونے سے عوام کو شدید مشکلات کا سامنا رہا۔