مساجد پر حملہ تکلیف دہ قابل مذمت ہے: ٹی ٹی ایم ایم

رائے ونڈ (نامہ نگار) تحریک تحفظ مساجد مدارس کے سر براہ منیر احمد وقار نے علماء و خطباء اور ( ٹی ٹی ایم ایم) کے سینئر اراکین سے خطاب کرتے ہوئے نیوزی لینڈ میں مساجد پر حملوں کی شدید الفاظ میں مذمت کی ہے۔ انہوں نے کہا کہ 2مساجد میں فائرنگ پر مغربی میڈیا کی منافقت اور دوغلی پالیسی سے امن کے ٹھیکیداروں کا اصل چہرہ عیاں ہو گیا ہے علامہ منیر احمد وقار نے کہا کہ مسجد پر دہشت گرد حملہ نہایت تکلیف دہ اور قابل مذمت ہے۔