ہولی ووڈ اداکار ادریس البا بھی کرونا وائرس میں مبتلا

لندن (نیٹ نیوز) معروف ہولی وڈ اداکار ادریس البا نے اعلان کیا ہے کہ ان میں کورونا وائرس کی تشخیص ہوئی ہے۔ ٹوئٹر پر ایک ویڈیو پیغام میں انہوں نے لکھا آج صبح میرا کووڈ 19 کا ٹیسٹ مثبت آیا۔ میں خود کو ٹھیک محسوس کر رہا تھا اور کوئی علامات بھی اب تک سامنے نہیں آئیں مگر میں نے خود کو اس وقت آئسولیٹ کر لیا تھا جب میں نے وائرس کی ممکنہ منتقلی کو دریافت کیا۔ انہوں نے کہا کہ انہوں نے اس لئے ٹیسٹ کرایا کیونکہ ان کے ایک جاننے والے میں وائرس کی تشخیص ہوئی تھی۔ اب وقت ہے کہ ہم سماجی طور پر فاصلے بڑھانے اور ہاتھوں کو دھونے کے بارے میں سنجیدگی سے سوچیں۔ اب یکجہتی کا وقت آ گیا ہے۔ یہ وقت ہے کہ ہم ایک دوسرے کے بارے میں سوچیں۔