پی ٹی سی ایل کیلئے انکلوسیو کمیونیکشن اینڈ سوشل ریسپانسیبلیٹی ایوارڈ

اسلام آباد(نمائندہ نوائے وقت) گلوبل ڈائیورسٹی اور انکلوژن بنچ مارک سٹینڈرڈ ایوارڈز 2021 کی طرف سے پاکستا ن ٹیلی کمیونیکشنز کمپنی لمیٹڈ ( پی ٹی سی ایل) کو انکلوسیو کمیونیکشن اینڈ سوشل ریسپانسیبلیٹی میںترقی پسندانہ طریقوں اورشاندار کارکردگی کیلئے ایوارڈ زسے نواز ا گیاہے۔ پی ٹی سی ایل ملازمین اور صارفین کے لئے مواصلاتی طریقوں کا اعتراف کیا جانا ایک مثالی کارنامہ ہے ۔ ای میل بلیٹن، ڈیجیٹل سکرینز، آئی وی اار پیغامات اور ایس ایم ایس الرٹ چند ایسے ذرائع اور طریقے ہیں جسے کمپنی دو طرفہ مواصلات میں سہولت دینے کیلئے منتخب کرتی ہے۔ معذور افراد ( پی ڈبلیوڈی) کیلئے ترقی کے مواقع اور صنفی نمائندگی کے تناظر میں تنوع اور شمولیتی کلچر کے فروغ کیلئے کمپنی کے عزم نے کام کی جگہ پر شمولیتی کلچر کو تقویت بخشی ہے۔ رواں سال معذور افراد کیلئے جستجو انٹرشپ پروگرام کے اجرا ء کے ساتھ پی ٹی سی ایل اپنے اس عہد کے ساتھ آگے بڑھنے کا عزم رکھتا ہے۔