اقتصادی سفارتکاری  کیلئے اعلیٰ سطح کمیٹی قائم 

اسلام آباد(پی پی آئی)حکومت نے اقتصادی سفارتکاری کیلئے اعلیٰ سطح کی کمیٹی قائم کردی ہے،جس کا نوٹیفکیشن بھی جاری کردیا گیا ہے جبکہ وزیراعظم عمران خان کمیٹی کے چیئرمین ہوں گے۔وزیراعظم عمران خان کی چیئرمین شپ میں اکنامک کوآرڈی نیشن گروپ تشکیل دے دیا گیا، 11 وزارتوں پر مشتمل اکنامک آئوٹ ریچ اپیکس کمیٹی اور کوآرڈی نیشن قائم کردی گئی۔نوٹیفکیشن کے مطابق کمیٹی کمیٹی ملکی معاشی اشاریوں کا جائزہ لے گی، اس کے علاوہ معاشی اہداف کا تعین اور ان کے حصول کیلئے حکمت عملی مرتب کرے گی۔کوآرڈی نیشن گروپ میں چیف سیکرٹریز اور وزارتوں کے سیکرٹریز شامل ہیں، کوآرڈی نیشن گروپ ملکی معیشت کی بہتری کیلئے موثر ایکشن پلان پیش کرے گا۔