کراچی (کلچرل ڈیسک )ویب سیریزکے لئے ا س نغمے کو دوبارہ نئے انداز میں ریکارڈ کرکے شامل کیا گیا ہے، جس میں وہی محبت اور درد ہے جو مسزاینڈ مسٹرشمیم کی کہانی میں نظر آتاہے۔ ویب سیریز  مسز اینڈ مسٹر شمیم کودنیا بھر سے چاہنے اور تنقید کرنے والوںکی طرف سے تعریفی پیغامات موصول ہورہے ہیں۔ مرکزی کرداروں میں صبا قمر اور نعمان اعجازکی محبت کی اس منفرد کہانی کے چرچے ہر سو پھیل رہے ہیں۔  اس کے لطف کو دوبالا کرنے کیلئے زندگی نے اس میں کلاسیکل رنگ کے نغمے دل لگی کا اچھوتا خیال شامل کیا ہے۔ یہ کلاسیکل قوالی مرحوم استاد نصرت فتح علی نے گائی تھی جس کے نئے ورژن کو سمیع خان نے لکھا اورکمپوز کیا ہے اور ساحر علی بگّا، فریحہ پرویز، زین علی اور زوہیب علی کی آوازوں میں ریکارڈ کیا گیا ہے۔ اس کی نئی دھن میں محبت کا جودرد موجود ہے وہ ان جذبات کی مکمل طورسے عکاسی کرتا ہے جو عمیمہ اور شمیم کے چہرے سے عیاں ہے۔