خیرپور/ پڈعیدن( بیورورپورٹ/ نامہ نگاران)  خیرپور کے علاقے سیگوں کے گائوں شاہنواز بھٹی میں گھر میں رکھے ہوئے بھوسے میں اچانک آگ لگ جانے کی وجہ سے 4معصوم بچے عارفہ ,مہدی حسن‘ محمد اویس,وقارعلی آگ میں جھلس کر ہلاک ہوگئے واقعے کی اطلاع ملتے ہی علاقے میں سوگ  کا ماحول پیدا ہوگیا ہر شخص کی آنکھیں نم تھیں جبکہ چار معصوم بچوں کے جنازے میں سینکڑوں افراد نے شرکت کی۔ پڈعیدن سے  نامہ نگار کے مطابق  خانواہن کے قریب سگھیوں کے نواحی علاقے گاوں شاہنواز بھٹی میں گھر جانوروں کے لیے رکھے گئے بھوسے میں اچانک آگ بھڑک اٹھی آگ اتنی شدید تھی کہ دیکھتے ہی دیکھتے قریب کھیلتے ہوئے چار 4 معصوم بچے عارف ولد ریاض حسین بھٹی مہدی حسن ولد ریاض حسین بھٹی محمد اویس ولد محمد حسن بھٹی وقار علی ولد محمدحسن بھٹی آگ کی لپیٹ میں آکر بری طرح جھلس گئے بچوں کو فوری طور پر سگھیوں رورل ہیلتھ سینٹر لیجایا گیا جہاں ابتدائی طبی امداد گئی مگر دو بچے زخموں کی تاب نہ لاتے ہوئے انتقال کرگئے جبکہ دو بچوں کو تشویشناک حالت میں گمبٹ منتقل کردیا گیا جہاں پر تیسرا بچہ جاںبحق ہوگیا جبکہ جھلسنے والے چوتھے بچے  کی ہلاکت کی اطلاع ہے جھلسنے والے  2بچے  آپس میں بھائی ہیں بچوں کی لاشیں گھر پہنچنے پر پورے گائوں میں کہرام مچ گیا بچوں کی مائیں غم سے نڈھال ‘ غشی کے دورے  پڑ رہے ہیں۔