گوجرانوالہ: روٹھی بیوی کو منا کر گھر لاتے راستے میں زہر پلا دیا، مرنے سے قبل بیان پر مقدمہ 

گوجرانوالہ (نمائندہ خصوصی) المعراج بیکری کے مالک نے اپنے والد سے ملکر مبینہ طور پر بیوی کو زہر دیدیا۔ مرنے سے  قبل خاتون نے  پولیس کو ویڈیو بیان ریکارڈ کروایا۔ ماڈل ٹائون مین مارکیٹ میں واقع المعراج بیکری کے مالک شیخ عمیر کا اپنی بیوی کرن شہزادی کیساتھ  جھگڑا رہتا تھا، کرن ناراض ہوکر  میکے چلی گئی، جسے شیخ عمیر اور اس کا والد شیخ افضل منا کر گھر  لے آئے اور زہر دیدیا۔ جبکہ کرن نے موت کی نیند سونے سے قبل پولیس کو اپنے اوپر ہونے والے مبینہ تشدد کے متعلق بتاتے ہوئے  بیان ریکارڈ کروایا کہ اس کا خاوند اور سسر جب اسے منا کر گھر واپس لارہے تھے کہ انہوں نے راستے میں اسے کچھ پلا دیا تھا۔ کرن کا الزام تھا کہ اس کا شوہر گھر میں لڑکیاں لاتا تھا جسے اس نے ایسا کرنے سے منع کیا تو عمیر نے اسے گھر سے نکال دیا۔