شیخوپورہ (نمائندہ خصوصی) اولڈ ایج ورکر ویلفیئر ایسوسی ایشن پاکستان کے مرکزی صدر محمد لطیف بٹ نے کہا ہے کہ مہنگائی کے اس دور میں اولڈ ایج پنشنرز کی پنشن میں اضافہ ناگزیر ہو چکا ہے پنشن کم از کم 25ہزار روپے مقرر کی جائے اس سلسلہ میں آج ای او بی آئی کے چیئر پرسن سے بھی ملاقات کی ہے جنہوں نے جلد از جلد پنشن بڑھانے کا مطالبہ تسلیم کیا ہے اور اس سلسلہ میں بورڈ آف ٹرسٹی کا اجلاس بلا کر جلد فیصلہ کیا جائیگا ان خیالات کا اظہار انہوں نے سپریم کورٹ میں او بی آئی کرپشن کیس میں پیش ہونے کے بعد نمائندہ خصوصی نوائے وقت سلطان حمید راہی ،سیف الرحمن سیفی سے خصوصی گفتگو کرتے کیا اس مو قع پر چوہدری اشرف ،حافظ عاشق ،سید امتیاز شاہ نورانی ،ذولفقار علی ،محمد بشیر ،محمد صغیر بھی موجود تھے۔