لاہور(سپورٹس رپورٹر)پشاور زلمی کے کپتان بابر اعظم ٹی ٹونٹی کرکٹ میں تیز ترین 9 ہزار رنز بنانے والے کرکٹر بن گئے ہیں، بابر اعظم نے کیریئر کی 245 ویں اننگز میں 9 ہزار رنز مکمل کیے۔ویسٹ انڈیز کے کرس گیل نے 249 اننگز میں 9 ہزار رنز مکمل کئے تھے، بھارت کے ویرات کوہلی نے 271، آسٹریلیا کے ڈیوڈ وارنر نے 273  اننگز میں یہ سنگ میل عبور کیا تھا۔پشاور زلمی کے کپتان نے اسلام آباد یونائیٹڈ کیخلاف 35 واں رن لے کر  9 ہزار رنز مکمل کئے۔بابر اعظم نے 8 ہزار سے 9 ہزار رنز کا سفر صرف 27 اننگز میں مکمل کیا۔ ٹی ٹونٹی میں بابر اعظم تیز ترین 7 ہزار رنز بنانے کا اعزاز بھی رکھتے ہیں۔