سود کے فیصلے کیخلاف سٹیٹ بنک اور نیشنل بنک کی اپیلیں خارج 

اسلام آباد (نوائے وقت رپورٹ) سپریم کورٹ کی شرعی عدالت نے سود کے فیصلے کے خلاف اسٹیٹ بینک اور نیشنل بینک کی اپیلیں خارج کر دیں۔چیف جسٹس عمر عطا بندیال نے چیمبر میں متفرق درخواستوں پر سماعت کی۔ وکیل سلمان اکرم راجہ اسٹیٹ بینک اور نیشنل بینک کی طرف سے پیش ہوئے۔چیف جسٹس نے اپیلیں واپس لینے کی بنیاد پر خارج کیں۔وکیل سلمان اکرم راجہ نے کہا کہ مجھے ہدایات ہیں کہ سود خاتمے کے فیصلے کے خلاف اپیلیں واپس لی جائیں، اپیلوں کی واپسی کے لیے متفرق درخواستیں دائر کیں ہیں۔چیف جسٹس عمر عطا بندیال نے اپیلیں واپس لینے کی متفرق درخواستیں منظور کر لیں۔
سود اپیلیں خارج