نئی دہلی (انٹرنیشنل ڈیسک) بھارتی آرمی کا چیتا ہیلی کاپٹر گر کر تباہ ہو گیا جس کے نتیجے میں دونوں پائلٹ ہلاک ہو گئے۔ بھارتی میڈیا کے مطابق ٹریفک کنٹرولر سے رابطہ منقطع ہوا تھا جس کے بعد تلاش شروع کر دی گئی۔ تاہم بعدازاں معلوم ہوا کہ ہیلی کاپٹر ریاست اورناچل پردیش کے علاقے بوم دلا میں منڈلا ہلز کے قریب پانی میں گر کر تباہ ہو گیا۔ دونوں پائلٹ ہلاک ہو گئے جن کی شناخت لیفٹیننٹ جنرل وی وی بی ریڈی اور میجر جیانتھ کے ناموں سے ہوئی ہے۔ سوشل میڈیا پر ہیلی کاپٹر کے گر کر تباہ ہونے کی ویڈیو بھی سامنے آئی ہے جس میں دیکھا جا سکتا ہے کہ ہیلی کاپٹر پہلے توازن کھو کر گول چکر لگاتا ہے اور پھر دریا میں گر کر تباہ ہو جاتا ہے۔
ہیلی کاپٹر تباہ