ماں کو قتل کرنے کے بعدبیٹے نے 2پولیس اہلکاروں کوبھی ہلاک کردیا.

کینیڈا کے شہر ایڈمنٹن میں ایک نوجوان نے اپنی ماں کو قتل کرنے کے بعد 2 پولیس اہلکاروں کو بھی گولی مار کر ہلاک کردیا۔ غیرملکی خبررساں ادارے کے مطابق ایڈمنٹن میں ایک نوجوان نے گھریلو جھگڑے کے بعد اپنی ماں کو قتل کردیا۔واقعہ کی اطلاع ملنے پر کینیڈین پولیس وہاں پہنچی تو ملزم نے اہلکاروں پر بھی فائرنگ کردی جس سے 2 پولیس اہلکارگولیاں لگنے سے ہلاک ہوگئے۔ملزم نے بعد ازاں خود کو بھی گولی مار کر اپنی جان لے لی۔پولیس چیف کے مطابق مرنے والے پولیس اہلکاروں میں 35 سالہ ٹریوس جورڈن اور 30 سالہ بریٹ ریان شامل ہیں۔