پاکستان سپر لیگ 9: یونائٹیڈ زلمی کو ہرا کر فائنل میں پہنچ گئی 

لاہور(سپورٹس رپورٹر)اسلام آباد یونائٹیڈ ایلیمینٹر 2میں پشاور زلمی کو 5وکٹوں سے ہرا کر پاکستان سپر لیگ 9کے فائنل میں پہنچ گئی ‘مقابلہ ملتان سلطانزسے کل ہو گا۔نیشنل سٹیڈیم کراچی میں کھیلے گئے میچ میں اسلام آباد یونائیٹڈ کے کپتان شاداب خان نے ٹاس جیت کر فیلڈنگ کا فیصلہ کیا تھا۔ پشاور زلمی نے پہلے بیٹنگ کرتے ہوئے 5 وکٹوں کے نقصان پر 185 رنز بنائے۔پشاور زلمی کی اننگز کا آغاز صائم ایوب اور بابر اعظم نے کیا۔ پشاور زلمی کو پہلا نقصان آٹھویں اوور میں 72 رنز کے مجموعی سکور پر بابر اعظم کی صورت میں اٹھانا پڑا جو 25 رنز بناکر آئوٹ ہوئے۔صائم ایوب 73 رنز کیساتھ نمایاں رہے جبکہ محمد حارث نے 40 رنز کی اننگز کھیلی۔ ٹام کوہلر 18 اور روومان روپیل 2 رنز بناسکے۔ عامر جمال 17، حسین طلعت 8 رنز بناکر ناٹ آئوٹ رہے۔ نسیم شاہ نے 3، شاداب خان اور عبید میکوئے نے ایک ایک وکٹ حاصل کی۔اسلام آباد یونائٹیڈ نے ہدف 19اوورز میں 5وکٹوںکے نقصان پرپورا کرلیا ۔ مارٹن گپٹل 34‘الیکس ہیلز ایک ‘سلمان علی آغا پانچ ‘کپتان شاداب خان صفر ‘اعظم خان 22رنز بناکر آئوٹ ہوئے ۔ عماد وسیم 59اور حیدر علی 52رنز بناکر ناقابل شکست رہے ۔ فاتح ٹیم نے 5وکٹوں پر 189رنز بناکر میچ جیت لیا ۔ صائم ایوب نے دو ‘لیوک ووڈ ‘مہران ممتاز ‘خرم شہزاد نے ایک ایک وکٹ حاصل کی ۔