میں بھی رمضان کے روزے  رکھ رہی ہوں:ایلیکس ہارٹلے

لاہور(سپورٹس رپورٹر)پی ایس ایل 9 میں ملتان سلطانز کی سپن بائولنگ کوچ ایلیکس ہارٹلے نے کہا ہے کہ میں بھی رمضان کے روزے رکھ رہی ہوں۔کراچی میں میڈیا سے گفتگو کرتے ہوئے ملتان سلطانز کی سپن بائولنگ کوچ ایلیکس ہارٹلے نے مزید کہا کہ میں یہ محسوس کرنا چاہتی ہوں کہ لوگ روزے رکھ کر کیسے شام میں کرکٹ کھیلتے ہیں۔ ہم چار بجے کھانا کھاتے ہیں اس کے بعد پورا دن بھوکے رہتے ہیں۔ ہم شام میں روزہ کھولتے ہیں پھر سب لوگ نماز پڑھنے جاتے ہیں، یہ ایک مشکل کام ہے مجھے پیاس کا بہت احساس ہوتا ہے۔ پی ایس ایل 9 میں ملتان سلطانز نے انگلینڈ کی سابق کرکٹر ایلیکس ہارٹلے کو اسسٹنٹ سپن بائولنگ کوچ مقرر کیا تھا۔ایلیکس ہارٹلے 28 ون ڈے اور 4 ٹی ٹونٹی میچوں میں انگلینڈ کی نمائندگی کر چکی ہیں۔