لاہور(نامہ نگار)موچی گیٹ کے علاقے میںواقع الیکٹرانکس کے گودام میں اچانک آگ بھڑک اٹھی جس نے دیکھتے ہی دیکھتے پورے حصے کو لپیٹ میں لے لیا۔ ریسکیو کا عملہ موقع پر پہنچ گیا، شدت زیادہ ہونے کی وجہ سے 10 سے زائد گاڑیوں نے آگ بجھانے کے عمل میں حصہ لیا اورریسکیو عملے نے طویل جدوجہد کے بعد آگ پر قابو پا لیا۔ریسکیو حکام کا کہنا ہے کہ آگ لگنے کی وجہ تاحال سامنے نہیں آسکی ‘ کوئی جانی نقصان نہیں ہوا تاہم لاکھوں روپے مالیت کا سامان جل کر خاکستر ہو گیا ہے۔