لاہور (نامہ نگار) ڈاکوؤں اور چوروں نے ڈکیتی و چوری کی وارداتوں کے دوران متعدد شہریوں سے لاکھوں روپے‘ طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ ڈاکو شادمان کے علاقے میں فہد  کے گھر گھس کر اہلخانہ کو یرغمال بنا کر ساڑھے5 لاکھ‘ مانگا منڈی  میں فاروق کے گھر سے5لاکھ‘ موہلنوال میں قادر کے گھر سے 3 لاکھ، کاہنہ میں نواز سے 2لاکھ اور موبائل فون، گرین ٹاؤن میں عادل اور اس کی فیملی سے 2 لاکھ اور موبائل فون، لٹن روڈ کے علاقے میں ساجد سے ڈیڑھ لاکھ اور موبائل فون، بادامی باغ میں عثمان سے ایک لاکھ اور موبائل فون، گلبرگ میں ریاض سے ایک لاکھ، نشتر کالونی کے علاقے میں ساجد سے 50 ہزار اور موبائل فون، نولکھا میں سلیمان  سے 20 ہزار اور موبائل فون لوٹ لیا۔ چوروں نے جوہر ٹاون، کاہنہ اور ڈیفنس سے 3کاریں، موہلنوال کے علاقے سے رکشہ جبکہ مصری شاہ، مصطفیٰ آباد، ہنجروال، شاہدرہ ٹائون، کاہنہ، شیرا کوٹ اور کوٹ لکھپت سے7 موٹر سائیکلیں چوری کر لی گئیں۔