بلدیہ گوجر خان کا تجاوزات کیخلاف آپریشن ، تھڑے مسمارکر دیئے گئے

 گوجرخان (نامہ نگار) بلدیہ گوجر خان کا تجاوز ات کے خلاف شہر بھر میں آپریشن ،جگہ جگہ پر کی گئی تجاوزات کو ہٹا دیا گیا تجاوزات کنندگان کا سامان ٹرالیوں میں لوڈ کر کے بلدیہ پہنچا دیا گیا گذشتہ روز سی ای او اظہر مجید نے عملہ تجاوزات چاند مبین نعیم سرور اور دیگر اہلکاروں کے ہمراہ سروس روڈ مین بازار لنڈا بازار بس سٹینڈ اور دیگر ایریا میں کی گئی تجاوزات کو ہٹا کر راستوں کو کلیئر کرایا اس موقع پر سی او اظہر مجید نے کہا کہ راستوں میں اور دکانوں کے باہرتھڑے لگا کر تجاوزات کسی صورت برداشت نہیں کی جائے گی دوکاندار حضرات کو آگاہ کرتے ہیں کہ آپ کا شٹر آپ کی حدود ہے وہاں تک محدود رہیں راستوں اور سرکاری جگہ کو اپنی لپیٹ میں نہ لیں راستے اور بازاروں کو تجاوزات سے مکمل صاف کر کے آمد و رفت کو باآسانی بنایا جائے گا تجاوزات کنندگان کسی رعایت کے مستحق نہیں ہیں آئندہ جو بھی تجاوز کرتا پایا گیا اس کے خلاف سخت کارروائی کی جائے گی۔