ملک دشمن عناصر اپنے ناپاک عزائم  میں کامیاب نہیں ہوسکتے ، سہیل کمڑیال

 مٹھیال (نامہ نگار)ایم این اے ملک سہیل خان کمڑیال نے شمالی وزیرستان کے علاقے میر علی میں دہشت گردوں کے حملے میں پاک فوج کے لیفیٹننٹ کرنل کاشف اور کیپٹن احمد بدر سمیت 7 فوجی جوانو ں کی شہادت پر اظہار افسوس اور شہداء   کے بلند درجات کی دعا کی ہے اور اہل خانہ سے دلی ہمدردی کا اظہار بھی کیا ہے۔ انہوں نے مزید کہا ہے کہ وطن کی حفاظت کی خاطر جام شہادت نوش کرنیوالے بہادر سپوتوں پر پوری قوم کو فخر ہے، ملک دشمن عناصر اپنے ناپاک عزائم  میں کامیاب نہیں ہوسکیں گیاور پوری قوم اپنی بہادر فوج کے شانہ بشانہ دہشت گردی کے مکمل خاتمے کیلئے غیر متزلزل عزم اور جذبے کیساتھ کھڑی ہے۔