پاکستان آگہی پروگرام‘ اساتذہ اور طالبات کا اےوان کارکنان تحرےک پاکستان کا دورہ

لاہور (خصوصی رپورٹر ) آر ایف جی ہائی سکول جہانگیر پارک فیروز پور روڈ کی طالبات اور اساتذہ نے نظریہ¿ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظمؒ کا مطالعاتی دورہ کیا اور تحریک پاکستان کی تصویری گیلری کا مشاہدہ بھی کیا۔ دریں اثناءموبائل نظریاتی تعلیمی یونٹس نے دو قومی نظریہ پر لیکچر دینے کے لیے بلیو سکائی ہائیر سیکنڈری سکول الفیصل پارک ضرار شہید روڈ‘ گورنمنٹ پریکٹسنگ ہائیر سیکنڈری سکول برائے طالبات ٹاﺅن شپ‘ گورنمنٹ سنٹرل ماڈل ہائیر سیکنڈری سکول فار گرلز گلبرگII-‘ گلبرگ ماڈل سکول گلبرگII-‘ سٹی ڈسٹرکٹ گورنمنٹ بوائز ہائی سکول گوالمنڈی‘ گورنمنٹ اسلامیہ گرلز مڈل ماڈل سکول گوالمنڈی‘ گورنمنٹ ایلیمنٹری سکول برکی نشٹر ٹاﺅن اور گورنمنٹ گرلز سکول اور گورنمنٹ گرلز سکول نشتر ٹاﺅن لاہور کا وزٹ کیا۔ ایوانِ کارکنانِ تحریکِ پاکستان لاہور اور مذکورہ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد934 تھی۔