لاہور(خصوصی  نامہ  نگار) سیاستدان باہمی اختلافات نبھانے کی بجائے عوام کے مسائل کے حل کے لیے کوشاں ہوں۔ دہشت گردی اور معاشی بحران کے خاتمے کیلئے وفاقی و صوبائی حکومتیں سنجیدگی کا مظاہرہ کریں۔ ان خیالات کا اظہار جماعت اہل حدیث پاکستان کے رہنما مولانا عبدالوہاب روپڑی اور مولانا شکیل الرحمن ناصر نے کیا۔ انہوں نے کہا کہ سیاستدانوں کے باہمی اختلافات اور ’’میں ناں مانوں‘‘ کی رٹ نے ملک کو تباہی کے دھانے تک پہنچا دیا۔ انہوں  نے کہا کہ سسٹم میں موجود کالی بھیڑوں سے چھٹکارا پانا ناگزیر ہے۔