مستونگ : سی ٹی ڈی کی کاروائی ،9دہشتگرد ہلاک،4اہلکار زخمی

مستونگ+کوئٹہ (نوائے وقت رپورٹ‘بیورو رپورٹ) قابو کوہ مہران میں سی ٹی ڈی کی کارروائی میں 9 دہشت گرد ہلاک جبکہ 4 اہلکار زخمی ہوگئے۔مستونگ کے علاقے قابو کوہ مہران میں سی ٹی ڈی نے خفیہ اطلاع پر چھاپا مارا جس پر وہاں موجود دہشت گردوں نے فائرنگ کردی، سی ٹی ڈی کی جوابی فائرنگ کے نتیجے میں 9 دہشت گرد ہلاک ہوگئے جبکہ 4 اہلکارزخمی ہوئے جنہیں ہسپتال منتقل کردیا گیا ہے۔ سی ٹی ڈی کے مطابق دہشت گردوں کے ٹھکانوں سے بھاری مقدار میں اسلحہ و گولہ بارود بھی برآمد ہوا ہے جب کہ دہشت گردوں کی لاشوں کو ہسپتال منتقل کردیا گیا ہے۔5 دہشت گردوں کی شناخت فرید احمد، عبدالحئی ، یوسف علی، مجیب اللہ، اللہ نظر کے ناموں سے ہوئی ہے۔