بہاولپور: ممانی سے زیادتی، ٹب میں ڈبو کر ماموں زاد قتل

بہاولپور (نامہ نگار) بہاولپور میں شوہر کے بھانجے نے خاتون کو مبینہ زیادتی کا نشانہ بناکر کمسن بچی 3 سالہ سائرہ بی بی زمین پر پھینکا۔ بعد میں پانی کے ٹب میں پھینک کر قتل کر دیا۔ پولیس کے مطابق بہاولپور کے علاقے موسیٰ کالونی میں خاتون کو زیادتی کا نشانہ بنایا گیا اور ملزم نواز نے خاتون (ن)کی کمسن بچی کو بھی قتل کردیا اور فرار ہوگیا۔ متاثرہ خاتون نے الزام لگایا کہ اس کے شوہرکے بھانجے نے زیادتی کا نشانہ بنایا۔پولیس کا کہنا ہے کہ تھانہ بغداد الجدید میں خاتون کی مدعیت میں زیادتی اور قتل کا مقدمہ درج کرلیا گیا ہے۔ واضح رہے کہ (ن) کا خاوند روزگار کے سلسلے میں شہر سے باہر تھا۔ متاثرہ خاتون (ن)کا کہنا ہے کہ ملزم نور نواز مجھ سے شادی کرنا چاہتا تھا۔