گوجرہ (نا مہ نگار) ٹڈی دل نے گوجرہ اور جھنگ میں فصلوں پر حملہ کر دیا۔ فصلوں اور چارے کو نقصان۔ ڈپٹی کمشنر ٹوبہ ٹیک سنگھ آ منہ منیر اور اسسٹنٹ کمشنر سندس حارث نے متعلقہ افسرا ن کے ہمراہ مختلف دیہا تو ں کا دورہ کیا۔ زمینداروں سے ملاقات کی اور فصلو ں کو پہنچنے والے نقصان کا جائزہ لیا۔ انہو ں نے محکمہ زراعت کے افسرا ن کو سختی سے تا کید کی کہ زمینداروں کے مسا ئل ترجیحی بنیادوں پر حل کر یں اور ٹڈی دل کو بھگانے میں ہرممکن اقدامات کریں۔ ڈپٹی کمشنر آمنہ منیر نے چک نمبر 348 ج ب ، چک 302 ج ب سمیت دیگر دیہاتوں کا دورہ بھی کیا۔ جھنگ صباح نیوز کے مطابق جھنگ کے مختلف علاقوں میں ٹڈی دل کے حملے میں فصلیں شدید متاثر ہوئیں۔ ضلع کے ڈپٹی کمشنر طاہر وٹو کے مطابق متاثرہ علاقوں میں سپرے شروع کر دیا گیا اور زرعی ماہرین آپریشن میں معاونت کر رہے ہیں۔ محکمہ زراعت کے مطابق ٹڈی دل کی نقل وحمل کو مانیٹر کیا جا رہا ہے۔