کرونا ایس او پیز کا خاص خیال رکھا جائے: سید اعظم حسین

کھاریانوالہ (نامہ نگار)  تحریک انصاف کے سینئر رہنما و سابق ناظم سید اعظم حسین شاہ اور ضلعی رہنما سید سجاد حسین بگے شاہ نے کہا ہے کہ کرونا ایس او پیز کا خاص خیال رکھا جائے ان پر عملدرآمد کر کے ہی اس وبا پر قابو پایا جا سکتا ہے یہ وقت آپسی اختلافات کو ہوا دینے کا نہیں بلکہ باہمی اتحاد کومضبوط کرنے کا ہے، صحافیوںسے مشترکہ گفتگو کرتے ہوئے ان رہنمائوں نے کہا کہ ہم سب کو ایثار، بھائی چارے اور اتحاد کے جذبے سے کام لیتے ہوئے ذاتی انا اور مفادات کی قربانی دے کر پاکستان کی ترقی اور عوام کی خوشحالی کے لئے کام کرنے کی ضرورت ہے، انہوں نے کہا پاکستان ہے تو ہم سب ہیں، ملک و قوم کو آگے لے کر جانے کیلئے ’’میں‘‘ کی روش چھوڑ کر ’’ہم‘‘ کا راستہ اپنانا پڑے گا، انہوں نے کہا کہ خلق خدا کی خدمت اور عوام کو ریلیف دینے کیلئے موجودہ حکومت کے اٹھائے گئے اقدامات مثالی ہیں۔