وزیراعظم کے دورہ سعودیہ سے تعلقات مزید مضبوط ہونگے: احمد معین سندھو

جنڈیالہ شیر خان (نمائندہ خصوصی) تحریک انصاف کے ضلعی رہنمائوں چوہدری احمد معین سندھو اور چوہدری منعم ضیاء سندھو نے کہا ہے کہ  اسلامی ملکوں سے دوستانہ تعلقات تحریک انصاف کی اولین ترجیح ہے مسلم ممالک متحد ہو کر ہی عالمی برادری میں اسلامو فوبیا پر قابو پا سکتے ہیں وزیراعظم عمران خان کے دورہ سعودی عرب سے پاک سعودی تعلقات مزید مضبوط ہونگے، صحافیوں سے مشترکہ گفتگو کرتے ہوئے ان رہنمائوں نے کہا وزیراعظم کے دورہ کوسعودی میڈیا نے بہت زیادہ کوریج دی جو وزیراعظم کی پالیسیوںپربھرپور اعتماد کا مظہر ہے اس وقت پوری قوم وزیراعظم عمران خان کیساتھ کھڑی ہے جو انسانیت کی بقاء و آدمیت کے احترام کی جنگ لڑرہے ہیں، انہوںنے بیت المقدس میں اسرائیل کے حملہ کی مذمت کرتے ہیں ۔