حافظ آباد+پنڈی بھٹیاں(نمائندہ نوائے وقت+ نامہ نگار+ نمائندہ خصوصی) حافظ آباد پولیس کی جانب سے جرائم پیشہ عناصر کے خلاف بڑے پیمانے پر کریک ڈائون کیا گیا۔ کریک ڈائون تھانہ سٹی حافظ آباد ، تھانہ کالیکی منڈی ، تھانہ صدر حافظ آباد، تھانہ کسوکی ،تھانہ سکھیکی منڈی اور دیگر علاقوں میں کیا گیا۔کریک ڈائون کے نتیجہ میں 25 ملزمان کوگرفتار کرکے ان کے قبضہ سے بھاری مقدار میں شراب، منشیات اور ناجائز اسلحہ برآمد کرکے مقدمات درج کر لئے گئے۔گرفتار ملزمان میں18 شراب فروش، 4 منشیات فروش اور 3 ناجائز اسلحہ ہولڈرز شامل ہیں۔گرفتار ملزمان سے 300 لیٹر سے زائد شراب،200 لیٹر سے زائد لہن،5 کلو سے زائد چرس برآمد کر کے مقدمات درج کرلئے گئے۔