آتشزدگی کے 2 واقعات درجنوں جھگیاں خاکستر مویشی ہلاک 

خیرپور / ڈگری(بیورورپورٹ / نامہ نگاران)خیرپورسینٹرل جیل کے نزد یک خانہ بدوشوں کی خیمہ بستی میں آتشردگی کاواقعہ دس سے افراد کی جھگیاں جل کرخاکسترہوگئی ۔ایک خاتون جھلس گئی اسپتال داخل جھگیوں میں مویشی بھی جل کرہلاک ہوگئے  متاثرین کھلے آسمان تلے امدادکے منتظرتفصیلات کے مطابق اے سیکشن تھانے کی حدودسینٹرل جیل کے نزد یک خانہ بدوشوں کی قائم خیمہ بستی میں اچانک آگ لگ جانے کے باعث دس سے زائدجھگیاں جل کرخاکسترہوگئی۔ متاثرین میں نسروباگڑی،دادوباگڑی،کرشن باگڑی ، پیارو باگڑی،سندری  باگڑی،کاموری باگڑی اوردلیپ باگڑی ودیگر شامل ہیں جبکہ  جھگیو ں میں پڑاہوا گھریلو قیمتی سامان اور مال و مویشی بھی جل گئے۔ اس سلسلے میں متاثرین نے بتایاکہ فائربرگیڈعملے کوبروقت اطلاع دینے کے عملے نہ پہنچ سکاجسکی وجہ سے ہماراسامان جل گیاہم بڑی مشکل سے جان بچائی ہے انھوں نے ڈپٹی کمشنر خیرپورسے مطالبہ کیاہے کہ ہماری مالی مددکی جائے آخری اطلاعات آنے متاثرین کھلے آسمان تلے امدادکے منتظربیٹھے تھے۔ ڈگری سے  نامہ نگار کے مطابق ڈگری کے مالہی پاڑے میں کرموں مالہی کے گھر میں اچانک آگ لگ گئی۔آگ لگنے کے باعث گھر میں موجود لاکھوں روپے مالیت کا گھریلو سامان نقد رقم چارپائیاں۔بسترے کپڑے اور دیگرسامان جل کر خاکستر ہوگیا۔آگ لگنے کی وجہ شارت سرکٹ بتائی جاتی ہے۔