اسلام آباد ائیرپورٹ پر کینیا ئی خاتون سے کوکین برآمد

راولپنڈی (سٹاف رپورٹر)اے این ایف کی خفیہ اطلاع پر اسلام آباد انٹرنیشنل ائیرپورٹ پر کارروائی کرتے ہوئے کینیا سے تعلق رکھنے والی ایمیلی وامبائی نامی خاتون سے کوکین برآمد کر لی،ملزمہ نے 706 گرام کوکین مہارت کے ساتھ اپنے ہینڈ بیگ میں چھپا رکھی تھی۔خاتون قطر ایئرویز کی پرواز نمبر QR-612 کے ذریعے اسلام آباد پہنچی تھی۔ملزمہ کے خلاف انسدادِ منشیات ایکٹ کے تحت مقدمہ درج کر کے مزید تحقیقات کا آغاز کر دیا گیا ہے۔