کراچی(رپورٹ اطہر جاوید صوفی)سینئر اداکارہ زیبا بیگم نے کہا کہ محمد علی کی یادیں میری زندگی کا سرمایہ ہیں آج بھی محمد علی میرے دل میں بستا ہے اور جب تک زندہ ہوں علی میری روح کا حصہ ہیں اداکار محمد علی، فلم انڈسٹری کی سنہری تاریخ کا حصہ ہیں انکے ذکر کے بغیر فلمی صنعت کی تاریخ ادھوری ہے،وہ لاھور سے ٹیلی فون پر نوائے وقت سے گفتگو کر رہی تھیں۔ یاد رہے کہ محمد علی نے 277 فلموں میں کام کیا جن میں 248 اردو، 17 پنجابی، 8 پشتو، 2 ڈبل وریڑن انڈین، 1 بنگالی، 28 فلموں میں بطور مہمان اداکار اور ایک ڈاکو منٹری فلم میں کام کیا۔پاکستانی سینما کایہ لازوال فنکار 19 مارچ 2006 کواچانک دل کا دررہ پڑنے پردنیا سے کوچ کرگئے۔