لاڑکانہ(بیورو رپورٹ) لاڑکانہ شہر کے تھانہ حیدری کی حدود مٹھانی محلہ میں علی الصبح نامعلوم چوروں نے شہری محمد عالم نائچ کی گھر کے باہر گاڑی چوری کرکے فرار ہوگئے، دوسری جانب شہر کے تھانہ دڑی کی حدود دڑی محلہ میں نامعلوم چوروں نے گھر کے باہر کھڑی ڈاکٹر مینگھراج کی موٹرسائیکل چوری کرکے فرار ہوگئے، دونوں واقعات کے متعلق متاثرین کی جانب سے حد کے تھانوں پر اطلاع دی گئی جس پر پولیس نے پہنچ کر واقعے کے متعلق تفصیلات معلوم کرکے تحقیقات شروع کردی ہے، اس موقع پر متاثرین نے ڈی آئی جی اور ایس ایس پی لاڑکانہ سے اپیل کی کہ چوری شدہ کار اور موٹرسائیکل واپس کرکے چوروں کو گرفتار کیا جائے۔