کنری( نامہ نگار  )نو عمر رکشہ ڈرائیور کی ٹکر سے شدید زخمی ہونیوالا عمر رسیدہ شخص دم توڑ گیا،تفصیلات کے مطابق تین روز قبل کنری کے قبرستان میں اپنے رشتہ داروں کی قبروں پر لگے پودوں کو پانی دینے اور فاتحہ خوانی کرکے شہر کی جانب واپس پیدل آنے والے مرحوم رفیق اڈے والے کے بھائی محمد صدیق جالی والے کو قبرستان روڈ پر 14 سالہ نوعمر رکشہ ڈرائیور نے ٹکر مار کر شدید زخمی کر دیا تھا جس کو تشویشناک حالت کے پیش نظر علاج کیلئے حیدر آباد ریفر کردیا گیا تھا جہاں دو تین روز تک بیہوش رہنے کے بعد دم توڑ گیا تاحال رکشہ ڈرائیور کے خلاف کوئی کاروائی عمل میں نہ آ سکی۔