فیروز والہ : دیہاتیوں ‘ڈاکوئوں کے درمیان مقابلہ ‘3ڈاکو زخمی حالت میں گرفتار

 فیروزوالہ( نامہ نگار) رانا ٹاؤن  آہدیاں روڈ پر واقع گاؤں چک نمبر 46 کے قریب دیہاتیوں اور ڈاکوؤں کے گروہ کے درمیان فائرنگ کے تبادلہ کے نتیجہ میں تین ڈاکو اپنے ہی ایک ساتھی کی فائرنگ سے شدید زخمی ہوگئے جن میں 2 ڈاکو زخمی حالت میں فرار ہوگئے جن کی شناخت احسن اور برہان کے ناموں سے ہوئی ہے جو نظیر ٹاؤن شاہ خالد روڈ فیروز والہ کے رہائشی بتائے گئے ہیں جبکہ زخمی حالت میں پکڑے جانیوالے ڈاکو کی شناخت عبدالوہاب کے نام سے ہوئی اور ان کے چوتھے ساتھی کی شناخت شانی چنگڑ کے نام سے ہوئی ہے۔ محنت کش غلام عباس اور اس کا بیٹا سمیع اللہ ٹافیاں بنا کر بیچتے ہیں جو دیہات میں دوکانوں پر ٹافیاں بیچ کر واپس آ رہے تھے گھات لگا کر کھڑے ڈاکوؤں کے گروہ نے روک لیا اور تلاشی لے کر 48000 روپے اور 2 موبائل فون چھین لئے۔ سمیع اللہ نے شور کیا تو وہاں متعدد دیہاتی اکٹھے ہوگئے اور فائرنگ کا تبادلہ شروع ہوگیا‘ زخمی ڈاکوؤں کو ہسپتال منتقل کر دیا گیا ہے۔