لاہور(سپورٹس رپورٹر)پاکستان کے ریڈ بال کوچ جیسن گلیسپی نے کہا ہے کہ وہ پاکستان ٹیم کی کوچنگ کے چیلنج کیلئے تیار ہیں ، کھلی آنکھوں کیساتھ قومی ٹیم کو جوائن کرینگے اور کوشش کریں گے غلطی کی کوئی گنجائش نہ رہے۔ میں نے پاکستان میں کوچنگ کے حوالے سے بہت سے لوگوں سے بات کی ہے۔ ڈیو ڈواٹمور سے بات چیت ہوئی ہے، وہ کئی ممالک میں کوچنگ کرچکے ہیں، ڈیوڈ واٹمور نے کافی معلومات دی ہیں اور اچھی نصیحت بھی کی ہے، میں کسی وقت جیف لاسن کے ساتھ بھی بات کرنے کی کوشش کر رہا ہوں۔