بلاول سے پی پی رہنماؤں کی ملاقاتیں، سیاسی صورتحال، تنظیم سازی پر بات چیت 

اسلام آباد+ لاہور (نمائندہ خصوصی+ نامہ نگار) پیپلز پارٹی کے چیئرمین بلاول بھٹو زرداری سے راجہ پرویز اشرف، سید نوید قمر، نوابزادہ افتخار احمد خان بابر اور مخدوم سید مرتضی محمود نے ملاقات کی۔ اس موقع پر ملکی سیاسی صورت حال پر بات چیت ہوئی۔ پیپلز پارٹی کے چیئرمین بلاول بھٹو زرداری سے پیپلز لائر فورم وسطی پنجاب کے صدر راحیل کامران چیمہ، جنرل سیکرٹری ساجد تنولی، سیکرٹری اطلاعات عظیم حفیظ، پی وائے او پنجاب کے جنرل سیکرٹری آصف خان بلوچ، پی ایس ایف لاہور کے صدر قمر خان اور ڈاکٹر معظم علی بھٹی نے ملاقات کی۔ اس موقع پر تنظیم سازی سے متعلق صورت حال پر تبادلہ خیال ہوا۔ بلاول بھٹو زرداری سے پی پی پی کشمور ایٹ کندھکوٹ کے صدر گل محمد جاکھرانی نے ملاقات کی، اس موقع پر ضلع کی سیاسی و تنظیمی صورت حال پر بات چیت ہوئی۔