کلر سیداں (نامہ نگار) 22سالہ زین سکنہ چیچہ وطنی کلر سیداں کی یوسی سموٹ کے گاؤں تنیام سیداں میں مزدوری کیلئے آیا ہوا تھا۔ وہ 12مئی کی صبح بکریاں چرانے کیلئے گھر سے نکلا اور پھر واپس نہ آیا،15مئی کو تالاب کے باہر پڑی کلہاڑی سے مقامی لوگوں کو شک گزرا تو انہوں نے ریسکیو 1122 کو اطلاع کر دی جس پر ریسکیو 1122کلر سیداں کی ٹیم ضلع راولپنڈی کے غوطہ خوروں کے ہمراہ موقع پر پہنچ گئی اور دو دن کے آپریشن کے بعد بدھ کے روز نعش کو تالاب سے برآمد کر لیا۔ادہر دو موٹر سائیکلوں کے درمیان تصادم کے نتیجے میں کلر سیداں کا مبشر زبیر نامی نوجوان شدید زخمی ہو گیا جسے ٹی ایچ کیو ہسپتال کلر سیداں سے راولپنڈی منتقل کر دیا گیا۔