لندن سے کراچی پہنچنے کے بعد ائیر پورٹ پر میڈیا سے گفتگو کرتے ہوئے ان کا کہنا تھا کہ وہ ذاتی طور پر لندن گئے جبکہ سابق وزیرداخلہ سندھ ذوالفقار مرزا کا بھی اسی جہاز میں سوار ہونا اتفاق تھا۔ وزیر اطلاعات نے کہا کہ انہوں نے لندن ائیرپورٹ پر ذوالفقار مرزا سے ملاقات کی تھی۔ انہوں نے کہا کہ الزام لگانے والوں کو پہلے سوچنا ہوگا، اگر انکے پاس ثبوت ہیں تو پیش کریں۔ انہوں نے یہ بھی کہا کہ میڈیا کو پوچھ گچھ کا حق ہے تاہم یہ تاثر غلط ہے کہ کوئی سازش کی جا رہی ہے۔ شرجیل میمن نے کہا کہ وہ پارٹی قیادت کو جوابدہ ہیں، وزارتیں پارٹی کی امانت ہیں، پارٹی جب چاہیے واپس لے سکتی ہے۔