لاہور (کامرس رپورٹر+نوائے وقت رپورٹ) بھارتی ٹینس سٹار اور پاکستان کرکٹ ٹیم کے سابق کپتان کی بیوی ثانیہ مرزا نے گذشتہ روز قذافی سٹیڈیم میںپی آئی اے اور سوئی ناردرن کے درمیان کرکٹ میچ دیکھا۔ شعیب ملک کی کارکردگی دیکھنے کیلئے ثانیہ مرزا اپنی والدہ اور بہن انعم مرزا کے ہمراہ آئیں۔ پی آئی اے کی ٹیم نے ان سے ملاقات کی اور گلدستہ پیش کیا۔ کپتان شعیب ملک نے کہا کہ پاکستان انڈیا کرکٹ سیریز مشکل مقابلہ ہو گا جس میں دونوں ٹیموں پر دبا¶ ہے۔ میرے خیال میں کسی ٹیم کو کوئی برتری حاصل نہیں ہے جو ٹیم اچھا پرفارم کرے گی وہی جیتے گی۔ شعیب ملک اور ثانیہ مرزا نے سینما گھر میں بھارتی فلم ”سن آف سردار“ دیکھی۔ شعیب ملک، ثانیہ مرزا اور اہلخانہ اداکار معمر رانا کی خصوصی دعوت پر فلم دیکھنے آئے۔ شعیب ملک اور ثانیہ مرزا کو دیکھ کر لوگوں کی بڑی تعداد جمع ہو گئی اور تصاویر اتروائیں۔ ثانیہ مرزا نے اس موقع پر کہا کہ فلم اچھی تھی، دیکھ کر بہت مزا آیا۔