سکہ ہمارے حق میں گرا تو حساب چکتا کرینگے : برینڈن میکولم

دبئی (این این آئی) نیوزی لینڈ کے کپتان برینڈن میک کولم نے کہا ہے کہ دوسرے میچ میں سکہ ہمارے حق میں گرا تو حساب چکتا کردیں گے ، ہر لحاظ سے آو¿ٹ کلاس ہونے کے بعد اگلے 2 معرکوں میں بھی سخت جدوجہد کرنا ہوگی۔ میڈیا سے بات چیت کرتے ہوئے میک کولم نے کہا کہ جب آپ ایک ایسی ٹیم کے خلاف کھیل رہے ہوں جو کنڈیشنز سے اچھی طرح واقف ہونے کے ساتھ بھرپور فارم میں بھی ہو تو ٹاس اہم کردار ادا کرتا ہے۔ مجھے امید ہے کہ اگلے ٹیسٹ میں ہم ٹاس جیت کر بڑا اسکور بنانے کی کوشش کریں گے اور یہ دیکھیں گے کہ بولرز اسکور بورڈ کی معاونت سے کتنا دباو¿ ڈالنے میں کامیاب رہتے ہیں۔انہوںنے کہاکہ ہماری ٹیسٹ فارمیٹ میں پرفارمنس کافی بہتر رہی ، اسی لیے مجھے یقین ہے کہ کم بیک کرنے میں کامیاب رہیں گے۔ میک کولم نے کہا کہ پاکستان نے بہترین ٹیسٹ کرکٹ کھیلی، ہر لحاظ سے آو¿ٹ کلاس ہونے کے بعد اب اگلے 2 معرکوں میں بھی سخت جدوجہد کرنا ہوگی، اپنے کھیل میں بہتری لانے کی کوشش جاری رکھیں گے، اسپن کی طرح ریورس سوئنگ بھی ہمارے لیے بڑا خطرہ ہے، اپنی غلطیوں سے سیکھنے کی کوشش کرینگے۔