کراچی (نوائے وقت رپورٹ) سوئنگ کے سلطان وسیم اکرم نے کہا ہے کہ کرکٹ ورلڈ کپ کے سیمی فائنل میں چار ٹیموں کے پہنچنے کی توقع ہے جن میں بھارت، سری لنکا، آسٹریلیا اور پاکستان شامل ہیں آسٹریلیا اور جنوبی افریقہ ورلڈ کپ کیلئے فیورٹ ہیں کراچی میں میڈیا سے گفتگو کرتے ہوئے کہا کہ ورلڈ کپ کیلئے وہاب ریاض بہترین با¶لر ہیں سعید اجمل کے ساتھ بیڈ لک ہوئی ٹیم میں شامل ہو جائیں تو اچھا ہوگا سعید اجمل کو با¶لنگ ایکشن پر بھرپور محنت کرنا ہوگی کپتانی کیلئے مصباح الحق بہترین چوائس ہیں پاکستانی ٹیم کب کیا کرے اس کا جواب حکیم لقمان کے پاس بھی نہیں پاکستان بلے باز بھرپور تیاری میں ہیں مصباح الحق نے ریکارڈ قائم کرکے حق ادا کر دیا اب یہ لوگ ان سے کیا کرانا چاہتے ہیں ٹیم کا مورال بلند ہے پاکستان دوسرے ٹیس میں بھی نیوزی لینڈ کو شکست دے گا پاکستان نے آسٹریلوی کھلاڑیوں کو تھکا تھکا کر مارا ایک سوال پر کہا کہ میری بیوی کو پاکستان بے حد پسند آیا شنیرا کو پاکستان گھمایا اور شمالی علاقے دکھائے۔