لاہور(سپورٹس رپورٹر+نمائندہ سپورٹس) سری لنکن آرمی ہاکی ٹیم نے دوستانہ میچ میں گورنمنٹ کالج یونیورسٹی ٹیم کو دوایک سے شکست دے دی۔دونوں ٹیموں نے جارحانہ اندازمیں میچ کا آغاز کیا اورایک دوسرے کے گول پوسٹ پر حملے کئے تاہم میچ کے دوسرے کوارٹر میں گورنمنٹ کالج یونیورسٹی نے گول کرکے برتری حاصل کی جسے کچھ ہی دیر بعد سری لنکن آرمی ٹیم نے برابر کر دیا۔میچ ختم ہونے سے دو منٹ قبل سری لنکن آرمی نے دوسرا گول کر کے میچ دو ایک سے جیت لیا۔میچ کے اختتام پر اولمپئین طاہر زمان نے گورنمنٹ کالج یونیورسٹی کی طرف سے سری لنکن آرمی ہاکی ٹیم کو ہاکی سٹکس تحفے میں دیں۔